पर्यटन मंत्री सतपाल महाराज न ब्वाल, उत्तराखण्ड अर नेपाल बीच शुरू व्हेली हवाई सेवा
रिसॉट अर हट बिटी देखी सकल स्टार गेजिंग
देहरादूनः पर्यटन मंत्री सतपाल महाराज न ब्वाल कि जल्दी उत्तराखण्ड अर नेपाल बीच बुद्धा एयरलाइंस हवाई सेवा शुरू करे जाली। अतंर्राष्ट्रीय हवाई सेवा संबंध मा पर्यटन मंत्री महाराज न नेपाल निदेशक, शोध, योजना अर निगरानी नेपाल पर्यटन परिषद क मणिआर लिमिछाने दगड़ी फोन पर बात विचार करी कन ये बाबत उत्तराखण्ड तै पूर सहयोग दीण की बात ब्वाल। उन बतै कि ये बाबत प्रदेश मुख्यमंत्री पुष्कर सिंह धामी न भी अपरी सहमति जतै। पर्यटन मंत्री न ब्वाल कि द्वी देशौं बीच नेपाल बु़द्धा एयरलाइंस सेवा शुरू हूण से नेपाल अर उत्तराखण्ड जनता तै येकू फैदा मिललू, ये दगड़ा दगड़ी द्वी देशौं बीच पर्यटन तै भी बढावा मिललू। येकू अलावा उन ब्वाल कि 22 नवम्बर कुणी उत्तराखण्ड बिटी श्रीराम बरात नेपाल क जनकपुरी जाली। बरात देवप्रयाग रघुनाथ मंदिर बिटी पैटली अर लखनऊ रस्ता व्हेकन 28 नवम्बर कुणी जनकपुरी पौंछली।
रिसॉट अर हट बिटी दिखयाल गेजिंग
उत्तराखण्ड आण व्हाळ देश दुन्या बिटी आण व्हाळ सैलाणी यख रिसॉट अर हट बिटी स्टार गेजिंग देख सकल। पर्यटन मंत्री सतपाल महाराज न ब्वाल कि प्रदेश एस्ट्रो टूरिज्म की बौत संभावना तै देखीकन रिसॉट अर हट मा स्टार गेजिंग की व्यवस्था करे जाली।
